სააკაშვილის  საპრეზიდენტო ბიბლიოთეკას დღეს  პოლონეთის რესპუბლიკის საგანგებო და სრულუფლებიანი ელჩი საქართველოში, ანჟეი ცეშკოვსკი ეწვია. ელჩმა  გენერალ პულასკის თავისუფლების რაინდის ჯილდო  და ხმალი, რომელიც   მიხეილ სააკაშვილს  2014 წლის 6 დეკემბერს გადაეცა,  საზეიმო ვითარებაში ბიბლიოთეკის სამუზეუმო ექსპოზიციაში განათავსა. 

საპატიო ჯილდოს გარდა, საპრეზიდენტო ბიბლიოთეკას  საელჩოსგან საჩუქრად  პოლონეთის შესახებ წიგნები გადაეცა : „Out of the ordinary :Polish designers of 20 th century“,“Polish Symbols“,“The history of Polish Diplomacy“, ‘Skarbow Polski. Treasure of  Poland”.

ვარშავაში მოქმედმა „კაზიმირ პულასკის ფონდმა“ საქართველოს მესამე პრეზიდენტს – მიხეილ სააკაშვილს – „თავისუფლების რაინდის“ ჯილდო 6 დეკემბერს მიანიჭა.
გენერალ პულასკის ფონდი „თავისუფლების რაინდის“ ჯილდოს ყოველწლიურად გადასცემს: თავისუფლების, სამართლიანობისა და დემოკრატიისთვის ბრძოლაში განსაკუთრებული ღვაწლის გამღებ ცნობილ ადამიანებს.